အဖရခိုင်ပြည်ကြီးရေ ရခိုင်သားတိအတွက် သဘ၀အရင်းအမြစ်တိအများကြီးပါ ယေ ကေလေ့ ရခိုင်သားတိသုံးစွဲခွင့်မရစွာ ရခိုင်သားတိညံ့လို့ ပါ ကျွန်တော်အပါအ၀င်ပါ။ တိုင်းတပါး သားတိက လျှာရည်ယုိုနီစွာတွိရပါရေ ။ ရခိုင်လူငယ်တိမှာ အရွယ်ရောက်လို့ လူလားမြောက် လာကေ ရခိုင်ပြည်ကထွက်ခွါလို့ ပညာရှာလူရှာ ၊ စီးပွားရှာသူရှာ နန့် တိုင်းတပါးမှာ အခြီချဖို့  ကြိုးစားနီကတ်စွာတွိရပါရေ ။ ရပ်ဝီးနိုင်ငံတိကိုရောက်လားခရေ လူငယ်တိဆိုကေ ကမ္ဘာကိုရင် ဘောင်တန်းဖို့ ကြိုးစားကတ်ယင့်နန့်  အဖပြည်ကြီးကိုမိန့် နီကတ်ပါရေ။ တချို့ လူငယ်တိက globalizations ဆိုပြီးကေ အမျိုးသားရေးလို့ ဆိုလာကေ အမြင်ကျဉ်းမြောင်းရေလို့ ပြောလာ စွာတိတွိရပါရေ ရခိုင်သားလို့ ပြောဖို့ စွာကိုရှက်လို့  ဗမာပြည်သားလို့ ပြောရေလူတိတောင်တွိ လာရစွာ ၀မ်းနည်းစရာပါ ။ တိုးတက်နီပါရေ ဆိုရေ အင်္ဂလိပ်လူမျိုးတိတောင် သူရို့ လူမျိုးတိက လွဲကေ ကျန်ရေလူတိကို လူလို့ ထင်စွာမဟုတ်။ ယင်းပိုင်ဗျာလ် အခုတိုးတက်ပါရေဆို ကမ္ဘာ နိုင်ငံတိက လူတိကိုလေ့လာကြည့်ပါ ကိုယ့်လူမျိုးကို ကိုရို့ မြင့်မြတ်တေလို့ ခံယူကတ်စွာပါ။ ယေကေ ကျွန်တော်ရို့ လူမျိုးစုတိအတွက် အမျိုးသားရေစကားမပြောကေ မျိုးပျောက်လားဖို့  စွာမြေကြီးလက်ခတ်မလွဲပါ။ ပြည်ပကရခိုင်လူငယ်တိက ခေတ်မှီနီကတ်စွာတော့ အမှန်ပါ ယေ ကေလေ့ ခေတ်မှီရေ အမြင်တိမဟိစွာ ၀မ်းနည်းစရာပါ။ သူများယဉ်ကျေးမှု့ နန့် ခေတ်မှီဖို့  ထက် ကိုရို့ ယဉ်ကျေးမှုနန့် ခေတ်မှီဖို့ အရေးကြီးပါရေ ။ ကိုယ့်ရို့ မှာက ခေတ်မှီဖို့ လောက်ထား သူများပြုတိုင်း ခံနီရရေအဖြစ် ။ တခါတလီ ကမ္ဘာကြီးမှာ ဇာတိဖြစ်နီလေလို့ ကြည့်ပြီးကေ အို-- အဖရခိုင်ပြည်မှာကား ဇာတိဖြစ်နီလေလို့  ရှောက်က်ကြည့်ကတ်စီချင်ပါရေ ။ ယပြီးကေ ကိုယ့် ရို့ ကိုလည်းပြန်ကြည့်ကတ်စီချင်ပါရေ။ ကျွန်တော်ရို့ ရေတိုင်းတပါးကိုဇာအတွက်ရောက်နီ ကတ်လေ။ ဇာ အတွက်လဲ အလေးအနက်စဉ်းစားကြည့်ကတ်ပါ။ ကျွန်တော်တိုင်းပြည်မှာ ရှာ ဖွယ်စားသောက်လို့ မကုန်ပါ။ယေကေလေ့ ကျွန်တော်ရို့ ရေ အေနိအခါမှာ သူ့ ကျွန်ဘ၀ကျ ရောက်နီရရေ ။ ယင်းအတွက်နန့် နိုင်ငံရေး ၊ လူမှုရေး ၊စီးပွာရေး ၊ ယဉ်ကျေးမှု ၊စာပေ ပညာ ရေး ၊ အစစ အရာရာမှာ ချိုးနှိမ်ခံထားရပါရေ။ ဒေချင့်ထဲကရုန်းထွက်နိုင်ဖို့  ပုံစံအမျိုးမျိုးနန့်  ပြည်ပကိုထွက်ခွါလာကတ်တေဆိုစွာအမှန်တရားပါ။ ယေကေလေ့ အေဂနိရခိုင်သားတိ ရခိုင် ပြည် က အစုလိုက်အပြုံလိုက်ထွက်ခွါနီကတ်စွာ အနာဂတ်အတွက်ရင်လီစရာပါ။သူတပါးတိုင်း ပြည်ကို အေပိုင်ထွက်ခွာလားကတ်စွာရေ အကောင်းဆုံးထွက်ပေါက်မဟုတ်ဆိုစွာပါ။ အပြစ် မြင်စွာမဟုတ်ပါ။ အေပိုင်အဖြစ်တိကို နောင်လာဖို့ မျုိုးဆက်တိကို မကြုံစီချင်ရေ ဆန္ဒတိ တဖွဖွ ရှိနီဖို့ လိုပါရေ။ အခုရခိုင်သားအများစုက တကိုယ်စာကောင်းစားရေးအတွက် ရုန်းကန်နီကတ် စွာကများပါရေ ။ ယင်းချင်ကိုလည်းအပြစ်မြင်လိုကမရနိုင်ပါ။ ကိုယ်ရို့ အခြီအနီကလည်းယင်း
ပိုင်ဖန်တီးနီစွာပါမလား။ …..
သျှင်စိုး(ဆက်လက်ဖော်ပြပါမေ)
Subscribe to:
Post Comments (Atom)
No comments:
Post a Comment